[英國食事]Sweet Gems

阿拉伯同香港人黎講都幾遙遠，好難得係英國見到阿拉伯系既甜品，我咁為食無理由唔試掛？

 




話說呢間Sweet Gems其實無實體鋪，因為只有兩母女負責做各種甜品，只係逢星期五係愛丁堡火車站度擺市集做零售，算係可遇不可求，家庭式作業呢啲情況香港真係買少見少。

呢隻Almond peanut baklava，面頭有少許的開心果做點綴，另外澆以糖漿，糖漿中有股花露水的香味，原料叫作orange water blossom，隻味係幾似印度香薰鋪既味。

件餅又如何？頂層係薄如蟬翼的香脆酥皮，夾著杏仁花生碎餡，略帶煙韌嚼頭十足。



Almond milk chocolate baklava跟Almond peanut baklava基本是相同的做法，但少左花生加入朱古力塊，同時減少了糖漿的使用，相信係避開朱古力既甜同糖漿炒埋一碟，由於甜度降低成件事反而吸引左。



Coconut baklava以酥皮包成蛋卷狀，裡面包裹著是椰絲、芝麻、合桃等東西，但椰子味不強，也沒有很多椰絲，反而係果仁類比較多，整體感覺是鹹中帶甜。雖然自己唔太愛椰絲，似乎應該加多少許椰絲提味先配得返個名。



呢個叫Magrood既好似新年的炸油角，但芝麻在外亦唔係金元寶狀，夾心似是豆沙餡，不過一食落口就明顯唔係，佢似棗蓉咁黏黏濕濕綿綿，睇成份真係畀我算中。最好係佢甜度好低，食落無baklava咁膩，而且配搭幾新鮮，四款最鍾意係呢款。